Çerkeslerin Anasayfası

СИУСЭХЭР

Сиусэмэ тамэ къагокIэ,
Адыгэбзэ дахэр дахьые огум,
Мэкъэ шъабэу гур къагъэфабэ,
Гупшысэ IашIухэр къагъэкIы гум.

Сиусэхэр шIулъэгъу орэдэу
Пшъашъэ, кIалэмэ зэIэпахы.
Къушхьэ, мэзы, хы амыIоу,
Хъураеу дунаер зэпагъохы.

Сиусэхэр къэмэ ихыгъэу
ЦIыфыгъэм ипыим пэсэIэтых.
Хьаджрэт кIодыкIэм фэгуIэхэу
Адыгэ цIыкIум ыгушхьэ щэстых.

Сэ сыфаеп цэлышъхьэ зэрэгъэшх,
Гури гум зыфыритIэжьэу.
Сиусэхэр чъыгъышъхьа бзыух,
Орэд къаIоу, шъхьафитэу хэрэтых.

Енэмыкъо Мэулид
Yenemuk Mevlüt Atalay