Çerkeslerin Anasayfası

СИЧ1ЫГУ ГУПС


Хымэ ч1ыгум сыщалъфыгъ,
Хымэ кушъэм сыхэлъыгъ.
Тхьэр зэбгыгъэ сыбгынагъэу
Гъаш1эр гъэрэу сэ къэсхьыгъ.

Сыкъэш1эжьба,сич1ыгу гупс,
Сэри осыет къызфаш1ыгъэр,
Ным инэпсык1э агъэпк1ыгъэр,
Аджал к1уач1эм тек1ошъугъэр.

Тинэнэжъмэ яхъопсап1э,
Титэтэжъмэ ягугъап1э
Сэры мафэ зыфэхъугъэр,
Зикъэхалъэ къек1ужьыгъэр.

Сыош1эжьа, сич1ыгу гупс?
Сянэ икъэ къыщысыни,
Сик1эныжъи къэсыбгыни,
Псэр сихьафэу сыкъэк1ожь.

Сынэ-сыпсэу си Чыгужъ,
Сыдэу лъап1э уилъэуж.
Лъэгупашъом уедэхаш1эу,
Уи1эш1угъэ зэхэсэш1э.

Гургъы макъэр гум и1ук1эу,
Гъэрэу фаем сызэрифэу,
Сыптеплъэныр сыгу имык1эу,
Сыд фэдиз исхыгъ сэ мафэу.

Хымэ 1улъхьэри 1ум емыхэу,
Гухэк1 псалъэр типсэ1ухэу,
Тхы уфэгъэ гъэр 1эрылъхьэу,
Тыхэтыгъ тигъаш1э къэтхьэу.

Уижьи, уипси псэ къысхалъхьэ,
Къурмэн хъунэу си Ч1ыгужъ.
Нэгуихыгъэ 1апл1къорэгъэу,
Къыспэгъок1ырэр си Ч1ыгужъ!


Хъунэго Нурет
http://www.kavkaznews.net