Çerkeslerin Anasayfası

Олахьэ гущы1э дахэхэр, -шъхьам къыщыущыгъэ- гупшысэ куу зыхэлъ гущы1эхэр къэуупсэлъыгъэк1э. Опсэу!

Сыдэуи дэгъуа, дэгъуа лъэмыджхэр,
ЧIлъэм лъэмыджхэр зэрэтфытетхэр.

Сыдэуи бэрэ къины мыгъуаер
Тэ апытлъагъэу ахэр дгъэпсыгъэх.

Сыдэуи бэрэ мэшIо лыгъаер
Къапихэу ахэр тэ дгъэстыжьыгъэх.
МэщбэшІэ Исхьакъ

ХЫБЗЫУ БГЪЭФ
Хыбзыу бгъэфыр, къысэт птамэхэр хьафэу,
Мыщ фэдэ мафэм джэуапы о къысфэхъу,
Кавказы напэм бэу сык1эхъопсышъ,
Ащ ц1ыфэу исмэ гъыбзэр шаусышъ,
Сэ сынэсынышъы садэусэн,
Усэр къэсхьынышъы сыкъэсыжьын.
Сызышап1угъэр сэ бэу сик1ас,
Ащ фэдэ ч1ып1э хэти имыс,
Ц1ыфылъ нэпск1э шъок1ыгъэ Хы ш1уц1эм
Пц1ашхъом фэдэу сибыбык1ын ,
Сакъыхэплъэнышъ щыхъугъэ -ш1агъэхэм
Къэсхьынхэшъ, псынк1эу сыкъэк1ожьын.
Хыбзыу бгъэф, уемыгупшысэу къаштэ,
Си1оф зытетым о закъом гу къылъыт .
Гум илъы шъыпкъэк1э сэ сыбзэ къэсэт1атэ,
Псынк1э, птамэхэр хьафэу о къысэт.
Гъогурык1о усак1оу, мо къысэдэ1олъ зэ,
Сэ къэсэ1ожьа узыщымыгъуазэ?
Шъуикъушъхьэ бгъэжъхэр ащ бэу щыбзадж,
Шъуич1ылъэ бгъэжъхэр ащ нахьи нахь бзаджэх.
Узапэк1афэк1э чэтыжьыеу уауп1э1ун,
Дунай нэфым итхъагъо п1эк1ахын.
Зэу уа1умык1эу ащмэ о укъялмэ,
О укъиш1эжьынба благъом ищылъфэ,
Ш1эпхъэджэ лыер къыуаш1эжьынба,
Гухэлъэу уи1эм ухагъэк1ынба.
Угу гъэ1асэ, тихьак1э к1ас,
Мы узэрысым пкъошыр бэу ис,
Апсэ фэдэу ори уалъэгъу,
Уиуисэ 1эш1ухэр о къыбдалъэгъу.
Игъор къызыск1э, о ук1ожьын,
Узык1эхъопсри щып1отэжьын-
К1уагъэми гъаш1эр, насып къэк1он
Истанбул, 1949 Кубэ Щэбан