Çerkeslerin Anasayfası

СИЧЫЛ

Сичылэу сигупс, сик1асэу спсэ зыхэлъ!
Тиунэ фыжьэу къамыл па1ор зытелъ,
Ти1эгу, тиурам ц1ык1у, тишколэу нэфыр,
К1алэ лъэпц1эгъур , джэгугъо чэфыр!..
Сятэжъы ипшыс!.. Ты1ахьылхэр, гъунэгъухэр!
Сыгук1э шъусэгъаш1ох, о сэ силъап1эхэр!

Ощ пай, сичыл, - узэрэнасыпыш1ом пае,
Гупсэфыгъо уиунэ зэрилъым пае,
Уиурамэу, мэзахэу щытыгъэм
Ш1унк1ыр шъхьащифи, гъэмафэ тыгъэм
Нэфынэшъхо къызэруитыгъэм фэш1ы,
Сыгу хэхъо, - гуш1огъошхо сэш1ы.

Сипщыналъэ о ухаслъхьэ сш1оигъоу
Къэлэмыр сэщтэ. Бэш1агъэу ащ игъоу
Гум къысе1о...

Орэчыжьэ
Орэблагъэ-
Тыди ар щэрэ1,
Къыщыхъугъэу,
Ащ щап1угъэу
Хэти ч1ып1э и!

Орэчыжьэ,
Орэблагъэ,
Сыдэуи щэрэт,-
Ащ идахэ
О зэхэпхы
Ренэу пш1оигъощт.

Ащ кыхахъошъ,
Нахь зе1этышъ,
Сэри сыгу зе1эты.
Ар мэгушхошъ,
Ар мэгуш1ошъ, -
Сэри сигуш1уагъо!

Ощ пай,сичыл, - уэзэрэнасыпыш1ом пае,
Гупсэфыгъо уиунэ зэрилъым пае,
Уиурамэу, мэзахэу щытыгъэм
Ш1унк1ыр шъхьащифи, гъэмафэ тыгъэм
Нэфынэшхо къызэрэуитыгъэм фэш1ы,
Сыгу хэхъо, -Сипсалъэк1э сы1охъуна?!.
Къезгъэжьэн! Чылэр сэш1э - тесэубытэ:
Сипщыналъэ орэго1у, купк1ыш1у и1эу орэпытэ
Зытхыгъэр : Хьадэгъал1э Аскэр

Итыркубзэ тэстхэщтэп, зигугъу тыридзэрэм адыгабзэ зэрегъаш1.
Ц1ыфыр фаемэ зибзэ зэригъэш1эн . Фэмыемэ джэмыщхк1э ижэ
1уплъхьэмэ хьаулый. Къытхэк1ы тэ адэ сэ адыгабзэ сш1эрэп , шъыдэ
адыгабзэк1э тэшъутхэрэ, хьайнапэ мэхъу зы1охэри. Ахэми яс1ощтыр
ары, нахь бэ уинапэ темыхэу е адыгабзэ зэгъаш1, е адыгабзэу тетхагъэм
игугъу умыш1. О къыпфикъун фэдизи мыщ тыркубзэ тэтхагъ.